Warning: Attempt to read property "post_excerpt" on null in /home/u459114719/domains/sada-misr.com/public_html/wp-content/themes/sahifa/framework/parts/post-head.php on line 73

أم ماريو بطلة فيلم ريش من القرية إلى العالمية 

أم ماريو بطلة فيلم ريش من القرية إلى العالمية 

متابعة ضياء الدين اليماني

هى السيدة المصرية دميانة نصار حنا بنت قرية البرشا بملوى بمحافظة المنيا او ام ماريو كما يلقبونها فى قريتها عندها ٣ اولاد وهم ماريو و ويصا وفادى وعمرها ٣٩ سنة ؛ تعشق التمثيل من صغرها وعندما كبرت اشتركت مع الأهل والجيران والأصحاب فى فرقة صغيرة بالقرية اسمها بانوراما عشان يشبعوا من خلالها مواهبهم التمثيلية وهواياتهم الفنية

 

وفى عام ٢٠١٨ فكر مخرج مصرى اسمه عمر الزهيرى فى عمل فيلم بفكرة جديدة خيالية ولكن صمم أن يكون ابطال فيلمه أناس يمارسوا التمثيل لأول مرة ؛ فبدأ يبحث فى قصور الثقافة والفرق المصرية عن أشخاص يصلحون لتمثيل فيلمه وأثناء بحثه نزل المنيا وراح يتفرج على فرق كتير وكانت منهم فرقة بانوراما 

 

فعجبه اداء وتمثيل الست ام ماريو ولقى ان ملامح وشها مناسب جدا لدور بطلة فيلمه واختارها لتكون البطلة وطبعا لما عرض عليها الفكرة فوافقت عالفور وصورت الفيلم فى اخر ٢٠٢٠م وقرر المخرج عمر الزهيرى يشارك بفيلمه دا واللى اطلق عليه اسم ( ريش ) فى المسابقة الرسمية للنقاد فى مهرجان كان

 

وللعجائب من يومين فقط يعلن عن فوز فيلم ريش بالجائزة الكبرى للنقاد بمهرجان كان ويصبح اول فيلم مصرى بالتاريخ يحصد جائزة رسمية بمهرجان كان ويتم ابلاغ ام ماريو بالخبر واللى ما صدقتش نفسها من الفرحة وراح اهلها وجيرانها يباركولها ويهنوها ويتصوروا معاها واقاموا الافراح بقرية البرشا فرحا بأن بنت قريتهم صبحت نجمة عالمية 

 

وفى يوم وليلة تحولت ام ماريو الست الصعيدية الغلبانة الشقيانة بقرية منياوية الى بطلة سينما عالمية ويتكتب اسمها فى تاريخ الفن المصرى ان دميانة اول ممثلة مصرية لاول فيلم مصرى يحصد جائزة بمهرجان كان

عن محمد البحيري

شاهد أيضاً

تحطم مروحية عسكرية في كينيا على متنها قائد الجيش

عدد المشاهدات 5371 9 كتب أشرف ماهر ضلع تحطّمت مروحية عسكرية في غرب كينيا الخميس …