خلاصه الكلام من و عن الفلوس

خلاصه الكلام من و عن الفلوس
رؤيه بقلم .مصطفي العموري
اسمعني كويس وافهم لو عايز تكون انسان كم من شخص ف حاله
فقير وغلبان وشقيان لكن كرامته وعزته وهيبته وكلمته تهز جبال
عايش سعيد ومتهني وكفايه نعمه راحه البال
وعرف يربي وتفتكره بعد موته كتير اجيال لانه كان راجل تمام و دي نهايه الكلام
…ف مين اللي قال ان المال بيصنع الرجال
بدون شك و لا جدال ده محال اللي قالك كده يا مجنون يا مخبول يا دجال !!
كتير ربنا اداهم المال وعاشو وماتو يتعدو عيال
لا ليهم قيمه ولا كلمه ولا فيه عنهم اي كلام يتقال لا سابو سيره حسنه ولا كان ليهم
وسط الناس كيان ولا سابو اساس ولا بنيان يتحط ف الحسبان .
عاشو حياتهم للفلوس يا حراس يا خدام لا وهم عايشين قدرو يعملو لروحهم مقام
ولا لما غابو حد افتكرهم بأي حال من الاحوال
وفي كلتا الحالتين عن مالهم مش هينجو من السؤال وان كان مصدر فلوسهم دي
حلال ولا حرام يعني زادت همومهم ب هم تقيل هيتشال
ده غير وقفتهم و حسابهم امام الواحد الديان اهم من غني الفلوس غني النفوس
اتعظ و خد م اللي سبقك عبر ودروس متفتكرش انك تقدر ع الناس تدوس
لو اتكبرت او اتجبرت هتبقي نهايتك كابوس لو ذليت الضعيف والفقير والمحتاج هتلوص
لان ربك ذي م اداك لازم تدي اللي ممعهوش ربنا معطكش المال تتمنظر بيه ع خلقه يا ننوس
ولا تترسم بيه وف وش السائل تبقي عبوس ده امتحان من عند ربك يا اللي مبتفهموش
ممكن تزول عنكم النعمه لو بغيركم مبتحسوش ده تكليف قبل م يكون تشريف يا محروص
وهتسال عن اللي عطيته واللي كمان م ادتوش في احسن التصرف ومتفرحش بالكام ملطوش 
المال يا سيدي وسيله مش غايه المال ده رزق وعطيه من العطايا
فلازم تفهم المغزي و تحقق الايهلا تبقي الشحيح البخيل ف اي حكايه
ولا المسرف السفيه ف اي روايه المال يا يخليك قدوه وعلم ورايه
يا يخليك مكروه بدون علم منك ولا درايه فخليك وسط متواضع كريم توصل لبر السلامه
لاوامر ربك مطيع وع امانته امين بحكمه ورزانه ولا تفتكر ان بيدك نفع ولا ضر ولا اي حاجه
اكبح جماح نفسك بنفسك بدل المهانه والحق نفسك قبل م تلاحقك الف شانه
انت مهما عليت عبد ذليل ف النهايه  اعرف ان فيه قانون الهي ودستور
كلها ايام معدوده وتاخد لقب المرحوم ربنا يسترها ويكفينا ويكفيكم شر دعوه المظلوم
هتكوش وتحوش وتظلم ليه دي كلها شرور و علشان مين م ممكن تموت مقهور
فيه حاجات مش ب المال ولا ب الكنوز ليها تنول زي الصحه والسعاده مبيدفعلهمش مهور
ممكن تكون عند واحد مغمور و مالمال محروم ولا يشوفها الغني المشهور ولا يتهني
بيهم يوم اجلك مادام جالك اموالك ملهاش اي لزوم ومالك يروح للي مكنش بيسال عنك
سنين وشهور عيشها متواضع بسيط متبقاش مغرور كل اللي حيلتك ممكن فلحظه يغور
ومش هيقعد غير عملك وسيرتك ازمان ودهور استفاد باللي يدعيلك ويرفع درجتك
وانت وسط القبور  كل يوم هو ف شان يعني ربك مغير الاحوال
قادر يغير من حال الي حال وفي لحظه واحده او حتي ثوان
ربك بينزل ويذل و يرفع ويعز اقوام ربنا يكفينا ويكفيكم شر الحوجه والسؤال
فاتعظ وافهم ايها الانسان قبل الندم و فوات الاوان   مهما الزمن طال كل الي زوال
و السلام ختام 
اختصار الحوار وبادب 
اللي قبلينا بصدق قال و كتب قد يعشق المرءُ من لا مال في يده
ويكره القلب من في كفه الذهب ما قيمة الناس إلا في مبادئهم
لا المال يبقى ولا الألقاب والرتب اذا لم تستطيع ان تكون سبب ف سعاده
فاحذر ان تكون سبب ف حزن احد ..

عن محمد البحيري

شاهد أيضاً

يمنى محمد تكتب..الحلقه الجحمية والصندوق الأسود

عدد المشاهدات 5371 67   بقلم يمني محمد  الحلقة الجمعية عباره عن دائره من الماضي …