ريحه زمان فين الايام الحلوه والناس الحلوه والاصحاب الحلوه واهالينا الي راحو مننا ولمتنا الي خلاص راحت حتي لو في وسط ناس كتير بتكون غريب عنهم كل واحد في مع ملاكوته فين الطقوس الجميله الي كانت بتخلي طعم وللون لكل حاجه .
لما كنا نسمع رمضان بكره نهيص كأن العيد بكره وننزل نجيب السحور احنا واصحابنا وسبحان الله كلنا سن واحد مجموعه كبيره في منطقه واحده
ونلم بعض ونروح نجيب السحور واحنا مبسوطين وعمالين نغني ايام جميله ولادنا محسوس بالمتعه دي ولا هايحسوها خلاص
فين فوازير رمضان الي كنا بنحفظها ونرددها طول شهر رمضان وبعد الفوازير ماتخلص ننزل الشارع نغنيها
ونفضل نحل فيها
ونلعب ونهيص مع اصحابنا والكهارب وزينه رمضان الجميله والبهجه الي كنا بنحس بيها وكل واحد ماسك الفانوس الجميل الي بيقول وحوي ياوحوي وعمو فؤاد والشيخ الشعراوي الي لما كنا بنسمعه بنفرح قوي علشان بعدها مدفع الافطار هههههه مهو احنا كنا صغيرين وبنكون عطشانين وجعانين
لكن لما كبرنا وفهمنا قيمه هذا الرجل العظيم وتفسيره للايات بطريه جميله ومبسطه كنا بنسمعه كأنه بيحكلنا حدوته جميله .
