منه قدري تحاور الفنانه ريهام الشنواني نجمه “راجعين ياهوي “
منه قدري تحاور الفنانه ريهام الشنواني نجمه “راجعين ياهوي “
حوار منه قدري
ريهام الشنواني بنوته اسكندرانيه ولدت في عروس البحر المتوسط ( الاسكندريه )
مضيفة جوية و ممثلة مصرية التحقت بورشة الفنان محمد صبحى للتمثيل لتطور من نفسها
في مجال الفن وهوا الهوايه المفضل لدي ريهام اما عن العمل ريهام مضيفه جويه
شاركت فى ﺑﺮﻧﺎﻣﺞ (أعزائي المشاهدين مفيش مشكلة خالص)
اكتشفها المخرج خالد جلال فى مسرحيه (سينما مصر )
وشاركت ايضآ في مسرحيه (المحاكمه ) التى تم عرضها خلال فعاليات منتدي شباب العالم
تمتلك ريهام رصيد كبير في عالم الأعلانات وخصوصآ الترند ف كانت تتصدي الترند
ب حضورها المميز في الاعلانات مثل ” عصير بيتي تروبيكانا _ جبنه جرين لاند “
والاشهر تاورنادو
وتألقت ريهام بشكل واضح خطف انظار الجميع في مسلسل راجعين ياهوي
رمضان ٢٠٢٢
لنتعرف اكتر علي اسرار شخصيه عزه في مسلسل “راجعين يا هوي” من خلال حوار خاص
مع الفنانه ريهام الشنواني ل جريده صدي مصر
ريهام الشنواني المكرونه سبب مشاركتي في مسلسل راجعين يا هوي
•حديثني عن البدايه في عالم الفن والتحول من مضيفه الي ممثله؟
اولآ انا لم اترك وظيفت الطيران ف انا اعمل حتي الأن مضيفه طيران ولكن واخده اجازه
من عملي لفتره معينه دي وظيفتي ومهنتي زي اي حد عندو مهنه بياكل منها عيش
ولكن هوايتي هي التمثيل ف خلينا نقول بدايتي في هوايتي المفضله كانت ازاي كانت
علي ايد المخرج خالد جلال وكانت بدايه قويه روحت قدمت ابلكشين واستماره
و اخدني في عرض في سينما مصر وكان في مخرجين وممثلين بيحضرو العرض
و كانت دي البدايه ليا حتي استاذ محمد سلامه مخرج “راجعين يا هوي” شافني
في عرض سينما مصر
ولما عملت الا انا حكايه بالورقه والقلم كان استاذ محمد بكير شافني في سينما مصر
ولما جالي ديمآ عامر استاذ مجدي الهواري كان شافني في سينما مصر
حقيقي كانت وش الخير عليا في حياتي الفنيه فعلآ
•كيف تم ترشيحك في دور عزه في مسلسل راجعين يا هوي ف رمضان ؟
اغرب قصت ترشيح ممكن تسمعيها ,, كنت رايحه مع صديق ليا ياخد فلوس
من استاذ خالد جلال كان شغال مع الاستاذ في مسلسل الا انا في شركه اروما
المفروض هيروح ياخد الفلوس و نروح ناكل “مكرونه” هايله من اقتراحه وانا وافقت
فضلت اني استنا ف العربيه قالي ننزل نسلم علي استاذ مصطفي العوضي
و استاذ احمد عبد العزيز مينفعش تقعدي لوحدك سلمنا و عدا استاذ محمد سلامه
وناداني استاذ احمد عبد العزيز ريهام ادخلي ٥ دقايق اتكلمي مع استاذ محمد سلامه
وفعلا اخدت الدور في ساعتها ومضيت واخدت الورق في ساعتها و قال استاذ محمد سلامه
انا اما شوفتها واقفه علي باب الشركه شوفتها عزه و من الفرحه والصدمه كنت هعيط
هيا الفرصه و الرزق و النصيب نادوني فعلآ ده رزق
ماذا عن الاستعدادات الخاصه باللوك المختلف للشخصيه ؟
الاستعدادات كلها بصراحه كانت من روئيه استاذ محمد سلامه في أول اعده قالي
انا شايفها بالطريقه دي و انا اشتغلت علي روئيتو و انا جبت النضاره و عملت لوك شعري
و بطلت دايت علشان اكون متطابقه مع الشخصيه الي وصلت ليها في دماغ
استاذ محمد سلامه واني بنت استاذه وفاء عامر و كل شويه بتأكلني الخ
و راغده هلال الاستايلست ظبطت اللبس الي يتوافق مع الشخصيه بتوجهات
استاذ محمد سلامه
من هي الفنانه المفضله لدي ريهام الشنواني ؟
ولله مفيش عندي فنانه مفضله انا بتعلم من كل مدرسه و كل الفنانات بنزبالي مفضلين
وبتعلم منهم
خلينا نقول مثال للزمن القديم انا بحب ( زينات صدقي _هند رستم _ نجمه ابراهيم )
واشتغلت عليهم في سينما مصر في نجوم من الزمن القديم واتعلمت من خلال تجربتي
ماذا عن تجربتك ف الأعلانات مع نجم الكوميديا المصريه محمد هندي ؟
استاذ محمد هنيدي حضر العرض بتاع سينما مصر وشافني في العرض
وقالي ان شاءالله هنتقابل قريب و فعلا بعدها اشتغلنا اعلان (تورنادو)
واشتغلنا ٥ ايام علي الاعلان لان صورنا اكتر من نسخه وكان حقيقي تجربه ممتعه
و اشتغلت كمان معاه في عرض “سلام مربع” في موسم الرياض و هنسافر تاني موسم
جده ان شاءالله هنعرض هناك
استاذ محمد هنيدي من النوع ان بيكون معاه ناس بيحبهم بيفضل شغال بيهم مبينساش حد
ودي حاجه حلوه جدا منو حقيقي انا محظوظه اني عرفتو واني من الفريق عندو جميل
و خلوق و انسان و فعلآ انا محظوظه اني كنت من الناس الي مش بينساها و بيختارها
في شغله ديمآ
•كيف كانت ردود افعال الجمهور علي دور عزه ؟
رد فعل الناس انا مكنتش متوقعاه بصراحه كنت متوقعه انو الكاركتر لطيف بس مكنتش
متوقعه انو يكون ترند رغم انو الدور مش كبير ولكن اثر في الناس انا شوفت كومكس
كتير و كومنتات كتير من الناس و اراء نقاد و اتبسط اوي بجد من رد فعل الناس حقيقي
حسيت ان تعبي في الي فات سواء مسرح او غيره مارحش والتوفيق ما بين تصوير
و شغل مارحش هدر و ربنا كافئني عليه الحمدلله
•اثناء عرض مسلسل راجعين يا هوي و دور عزه كان يعرض لكي عمل اخر و هوا ديمآ عامر
في دور اميره ما الذي جذبك للمشاركه في دور اميره بمسلسل ديمآ عامر ؟
في الحقيقه انا مضيت ديمآ عامر الاول قبل راجعين يا هوي جالي الاول و طبعا
انا كنت سعيده جدا جدا لان هشتغل مع مدام لبلبه وكانت بنزبالي خطوه في حياتي
وجودي معاها في عمل و طبعا وجودي مع استاذ مصطفي شعبان المحبوب و جمهوره
الي هيتفرج عليه ف هتشاف و المسلسل كمان و سعيده جدا ب دور اميره
•كيف كانت الكواليس مع الفنان الكوميدي الجميل اسلام ابراهيم ؟
اسلام جميل وعسل جدا انا بحبه اصلا من ايام ما كان بيعمل snl بالعربي
و كنت بقلده ديمآ و اما عرفت اني هطلع مراتو فرحت جدا و هوا نفس مدرسه
استاذ خالد جلال و عارفه انو من ابناء استاذ خالد و اتقبلنا في المسرح ف كنت مرتاحه
في تجربتي معاه
و هوا كان بيساعدني جدا جدا في التصوير و كنا بنعيش الشخصيه حتي في الكواليس
و مبسوطه جدا بالتجربه مع اسلام
•ماذا عن تجربتك مع المخرج محمد سلامه ؟
انا ادين ل استاذ محمد سلامه بالفضل لانو شاف حاجه فيا محدش شافها وغامر
بيا في دور عزه وكان متاكد من موهبتي و مؤمن بيها و كان واثق فيا و مش موضوع تجربه
انا فعلا بشكره لانو سلط عليا الضوء من خلال شخصيه عزه حقيقي بقوله شكرا
علي كل حاجه علي تعامله معانا في اللوكشن وانو بيعيش معانا اللحظه و بيساعدنا
و حقيقي هوا فنان ف بيعرف يهتم بالممثل و كل حاجه خرجت من شخصيه عزه
لي فضل عليا فيها وكانت روئيه منو ليا و كفايه انو اختارني في الدور بصراحه بشكره
جدا وهوا مخرج موهوب و مجتهد و انا مبسوطه اني كنت اد ثقته فيا
•ما هي اعمالك الفنيه القادمه ؟
