صدى – مصر من مصر لكل العالم
هو بكره احلى والا كلام اغانى
كتبت / داليا فوزى
بكره
يرجع حب الناس ونعيش فى إخلاص وهيبقى علمى أقوى سلاح
بكره الشغل يبقى كتير و لا أمد ايدى لحد
بكره يرجع الهدوء والطمأنينة وراحة البال والرزق مال وعيال
بكره يبقى فيه أخلاق وإنسانية وراحه لكل البشريه
بكره جيرانى يرجعوا تانى اخوات وأصحاب
بكره نحب الخير للناس
بكره نرجع تانى ناكل مع بعض ونبقى نصون العيش والملح
ونبطل نتكلم على بعض
بكره حياتى تبقى بسيطة لا فيها سوشيال والا ميديا
والقعده الحلوه تجمعنا
بكره اعمل كحك العيد ويلف طبقي كل بيت ويرجع مليان وسومة تغنى ياليلة العيد
بكره الاهل يبقوا الضهر والأبناء يبقوا السند
بكره نخاف من العيب والحرام
واخاف أمد ايدى لرشوه بكره عينى تبقي مليانه اكل اللقمة بعرق جبينى
بكره مش هاكل حقوق الناس والا اقبل اكل ميراث من امى واختى واخويا واهلى
بكره الكلمه تبقى سيف خرجت منى سلاح لرقبتى
بكره اساعد المحتاج واعطف على الصغير واوقر الكبير
بكره ترجع ابله نظيره وتحكيلنا
حكاوي جميلة .
بكره الفن يرجع تانى ام كلثوم وعبد الوهاب وفريد
بكره هيبقى فيه تهذيب والا اعاكس بنات الناس يمكن فيهم امى واختى
بكره سلام الأيد فى الأيد يبقى حديد ويبقى سلام وسلام من القلب .
بكره اخاف من بكره وأعمل حسابى هاموت بكره
بكره احافظ على بيتى ونبقى زوجين وعيالى يبقوا تاج على الرأس وزوج متصان وزوجه حنان أزواج بينهم موده ورحمة
بكره ابوس ايدين والدى ووالدتى واجلس تحت أقدامهم
بكره لما حد يموت نوطى الصوت وندعيله بالرحمه
بكره الخير هيزيد ونعيش فى امان ويرجع الحب والود والرحمه أصل كلثوم قالتها زمان قول للزمان ارجع يا زمان .
