صدى – مصر من مصر لكل العالم
البعيد عن العين والعقل مش محتاجه
كتبت / بسنت سعد
هل فعلا البعيد عن العين بعيد عن القلب كما يقول المثل المعروف
هل فعلا ده حقيقي؟
المفاجأة انه لا في يوم اتسالت سؤال
هو مين الشخص اللي لو بعد عنك ممكن تتعبي نفسيا؟
انا ضحكت وقولت مفيش حد
فردت عليا اللي سألتني يعني بجد انتي مش خايفه من فقدان الناس اللي حواليكي
كان ردي انا متمنتش انهم يبعدوا عني لكن مش خايفه من بعدهم
فقالت لي طب فكرك ده حب ولا استغناء وإلا حالتك تتوصف بأيه
قولتلها هو حب بس حب عقل ومبنوصلش للمرحله دي الا بعد وقعات كتيرة وكسره وخذلان وكل ده بيربيك او بمعني أصح بيهذب شخصيتك بيخليكي اعقل شويه وتتأكدي ان قلبك مهزئ
يعني انا زمان كنت دايما بنام وانا خايفه ان اللي بحبهم يبعدوا عني وكنت بفكر فيهم اول حاجه اول ما اصحي من نومي واقلق لوملقيتش حد فيهم جنبي كنت بقلق عليهم بشكل هستيري
ولو غلطت في حقهم اعتذر لهم ولو اضايقوا مني حتي لو مش انا الغلطان من حرصي عليهم كنت بعتذر عشان ميبعدوش كان عندي خوف من الفقد سامحت كتير وغمضت عيني كتير عن حماقات وحاجات كانت بتحصل منهم بغلطهم في حقي واعمل روحي مش واخده بالي كان كل همي ساعتها انهم ميبعدوش وبس واتمسكت بيهم اوى اوى لكن برضه بكل سهوله مشيوا من حياتي وبعدوا اوي
الخذلان صعب اوى انك تصحي يوم من النوم تلاقي ناس كانوا حياتك مبقوش اصلا في حياتك وفجأه وبدون مقدمات
ده بقي بيعمل صدمه للعقل قبل القلب
حد انت كنت متبت فيه اوى وهو ساب وانه بيعاقبك والعقوبه كانت ليه عشان حبيت وده مش شرط يكون بينك وبين حبيب ممكن يكون صاحب ….جار ….قريب
النتيجه واحده
وبعد كده بتلاقي نفسك اتأقلمت ع الحقيقه اللي عمرك ما كنت عايز تصدقها ان فعلت مفيش حد بيبقي لحد والحكايه كلها فترات حقيقة مفجعة بس غصب عنك بتتعايش معاها جدا وكل حاجه بعدها بتبقي سيان اللي عايز يبعد براحته مبقاش في طاقه للتمسك
متوقعه اي حاجه من اي حد في اي وقت
بقيت بضحك لما حد يراهني ع الغياب لان مبقاش في حاجه اخسرها
اتعلمت اني احافظ ع الطفل اللي جوايا لنفسي وبس
مأساه حقيقية والله مأساه بس ده بقي واقع اتفرض عليا
وللكلام بقيه
