البقيع المصرية ببهنسا المنيا مدفون فيه 5000 صحابى
اسامه عبد الخالق
17 ديسمبر، 2024
الدين والدنيا
500 75
كتب / اسامة عبدالخالق
كلنا عارفين بقيع الغرقد وهي المقبرة الرئيسية للمدينة المنورة منذ
عهد رسول الله صلي الله عليه و سلم ولكن عمرك سمعت عن بقيع مصر
معلومة يمكن تذهلك ان مصر فيها بقيع تاني ومدفون فيه 5000 من الصحابة
منهم 70 صحابي من إللي شهدوا غزوة بدر مع رسول الله صلي الله عليه
و سلم وتحديدا موجود في قرية البهنسا في المنيا
البهنسا دي قطعة نور في ارض مصر سقط علي ترابها آلاف الصحابة
شهداء و احتوت أرضها أجسادهم الطاهرة
طيب إيه الحكاية
الحكاية يا سيدي ان بعد ما سيدنا عمرو بن العاص فتح مصر سنة
21 هجريا وفتح كل حصون الرومان في الشمال استأذن سيدنا عمر
بن الخطاب في استكمال فتح حصو.ن الجنوب لفتح صعيد مصر
كان اقوي حصن، للرومان وقتها هما حصنين،
هما حصن، البهنسا والتاني حصن، اهناسيا وفعلا ارسل سيدنا عمرو
جيش، لاستكمال الفتح وهنا دفع الرومان بكل جنودهم لحصن البهنسا
لان سقوطها يعني سقوط الصعيد و دارت المعر.كة و انتصر المسلمين
وارتقي من جيش المسلمين 5000 شهيد من الصحابة الاجلاء
ومن أشهر الصحابة المدفونين في البهنسا هم :
زياد بن ابي سفيان بن الحارث بن عبد المطلب
سليمان بن خالد بن الوليد
عبد الرحمن بن ابي بكر الصديق
الحسن بن زين العابدين بن الحسن بن علي بن ابي طالب
محمد بن ابي ذر الغفاري
محمد بن عقبة بن نافع
علي بن عقيل بن ابي طالب
جعفر بن عقيل بن ابي طالب
خولة بنت الاذور
القعقاع بن عمرو
كنت تتخيل أن الأسماء دي مدفونه علي مسافة قريبة كده منك
وان قطعه أرض قد تكون علي بعد دقائق أو ساعات قليلة من بيتك
تحوي اجساد حفيد سيدنا رسول الله وابن سيدنا أبي بكر الصديق و إبن
سيدنا خالد بن الوليد والقعقاع بن عمرو الذي قيل فيه لا يهزم جيش فيه القعقاع
طيب إيه سبب التسمية
يقال إن البهنسا كان بيحكمها أيام الرومان حاكم إسمه بطليموس والباشا
ده كان بيحب فتاة ذات حسن وجمال ومن شدة جمالها أطلق عليها إسم “
بهاء النسا ” ومن هنا اتحرف الإسم لل ” البهنسا ”
أرض البهنسا مش بتنتهي عظمتها عند احتضانها لأجساد الصحابة الأجلاء ،
ده كمان كانت قلعه من قلاع صناعة الغزل والنسيج في العصر الإسلامي
ومنها كانت بتذهب كسوة الكعبة المشرفة إلي مكة المكرمة في العصر الفاطمي
كمان فيها قبر السبع بنات إللي لهم قصة عاوزة بوست لوحده لأن مصر
كلها تسمع إسم السبع بنات ومنعرفش إيه قصتهم
وعشان البهنسا تبهرنا أكتر وتكمل عظمة التاريخ ففيها كمان شجرة
السيدة مريم العذراء
والتي يقال ان السيدة مريم والمسيح عيسي بن مريم عليهما السلام
ويوسف النجار جلسوا تحتها في رحلة العائلة المقدسة الي مصر
صدى – مصر من مصر لكل العالم
