الحب وحده لا يكفي

الحب مش سبب كافي لإننا نكمل..الحب مش كل حاجه

..

الجمله دي ادركتها بعد سنين..

– الحب مش سبب كافي لأي حاجة –

يافرحتي لما تبقي بتحبني بس مش فاهمني بتحبني بس مش عارف تخليني مبسوطة بتحبني بس مش عارف تكتفي بيا بتحبني وبينا مشاكل ملهاش حل! ومفيش حاجة اسمها لو بيحبك مش هيعمل كذا وكذا هي مش قواعد.

اكتر ناس ممكن تقرفك في عيشتك هما الي بتحبهم وبيحبوك .. الحب ونقطه مش كفايه !

– التفاهم اهم من الحب، الأمان اهم من الحب، الثقه اهم من الحب، انك تبقي مطمن انك مش هيتغدر بيك وتتساب مع اول مشكله اهم بكتير من الحب انك تبقي نايم عارف انك لا هتتخان ولا هتتهان دا اهم من الحب الراحه انك تبقي مرتاح في طريقتك لا بتتصنع ولا بتترسم ولا في تكاليف علي اسلوبك دا اهم من الحب..

– الحب مشاركة مش امتلاك الحُب انك تشاركني واشاركك كل حياتنا سوا “سوا” الاهتمام اهم من الحب، الاحترام اهم من الحب، التفاهم اهم بكتير من الحب..

الناس الي يقدروا يوفروا لينا حياة هادية وفيها تفاهم وأمان وراحة هما دول الي يستاهلوا الحب ، هما دول الي هنكمل بيهم..

الاهتمام والتفاهم اهم من الحب بكتييير