صدى – مصر من مصر لكل العالم
بلمح بعينى
الاقى مهرة
خارج الدار
فاكه الوتد
بتدلع ع خط
النار
ليها قوام سارح
فيها جمال
مليان اسرار
فى الخطوه بطل
والمشيه رقص
على الطبله والمزمار
مشيت وراها
قولت اشوف
اخر المشوار
يدوب خطوه
والتانيه ابتدا
الحـــــوار
انتى يا شابة
ماشية فى الشارع
قايدة النار
وبكل رقة ودلع
طلت بعنيها
قلبت اليل نهار
ورسمت نظرة فرحة
وكتب قلمى الف بيت
من الاشعار
اول حروفها الحب
واخرها الطعم
المــر
ملئ الحزن عنيها
وقالت سبنى اكمل
طريقى وحدى
افرش شوك اليل
وانت حلم جميل
ابعد واياك تندهلى
وتغيرت وكانها مش هيه
ولقيت عنيها مطفيه
وبتقولى لازم نفترق
يعنى هوانا على الشط غرق
مسكت اديها
وقولتلها فهمينى
قالت جوزى مستنينى
كانت صدمه فى موقف
غريب
حتى الحب زمانه
عجيب
يلا مع السلامة
و كانت النهاية
رعشت كف ودراع
وكلمتين اخرتها وداع
………
بقلم :محمد الملك
