توأم الشعلة

كتبت / دعاء الجبالى

ليه الناس مؤمنه بعلاقة توأم الروح لكن مش مؤمنه بعلاقة توأم الشعلة
مع إن علاقة توأم الشعلة متفسرة ومدروسة وليها مراحل تؤكد لأى إنسان وجوده فيها على عكس علاقة توأم الروح

كتير مننا بيدخل علاقة قدرية من غير أى سعى منه مرة واحدة بيلاقي نفسه جوة العلاقة والعلاقة دى بتمر بمراحل معينه لما هتشوف المراحل هتلاقي نفسك مريت بيها بالظبط
لو هى كانت علاقة من وحى الخيال مكنش العلماء هيتكلموا عن مراحلها بالدقة دى وتلاقي نفسك مريت بيها
وناس بتسأل العلاقه دى صعبة ومرهقة جدا ليه ربنا اختارنى ادخل فيها

العلاقة دى بتبقي بين اتنين روحانين ومش شرط الروحانى يبقي انسان مثالى ادامك لان ربنا بيتعامل معانا باللى جوه مش اللى بره واللا مكنتش رابعة العدوية توصل للى وصلتله ده
كل الحكاية ان ربنا فى العلاقة دى بيخليك تمر بأقصى مراحل الألم عشان تتغير للأفضل عشان تغير عيوبك عشان تعرف إن الكمال لله وحده وإنك مش لازم تحب حد مفيهوش عيوب

ربنا بيعلمك تحب الناس بعيوبهم ويوصلك للحب اللامشروط وتتقبل الإختلاف وإن لكل إنسان حياته اللى ماينفعش تغيرها أو تحاول تعدلها

كمان الناس اللى فى العلاقة دى هتلاقي كل حاجه بتمر عليك ليها سبب وليها هدف حتى رؤيتك لأسم الشريك بشكل مبالغ فيه هيخليك تستغرب رؤيتك للأرقام المتكررة هيلفت نظرك جدا حتى الاحلام هيبقي كلها رسايل ليك ولما هدور على الرقم اللى بيتكرر أدامك وهتشوف بيرمز لأيه فى علم الأرقام هتلاقيه بيتكلم عن الحاله اللى أنت عايشها بالظبط والحاجات دى هى اللى هتخليك تدور وتعرف انك فى علاقة توام شعله

الموضوع مش صدفه ابداً ولا دخولك العلاقة دى صدفه ده شىء مترتب بشكل غريب من البدايه والغريب أكتر أن العلماء اللى درسوا العلاقة دى اتكلموا حتى عن أسلوب الحوار بينك وبين توأمك وعن حياتك وأنت صغير عن صفاتك عن اللى مريت بيه عن الأطراف اللى تدّخلوا بينكم عن كل حاجه أنت عشتها وبتعيشها عن الأنفصال والرفض والهروب وحتى عن توقيت اللقاء والإتحاد

العلاقه دى بعد الانفصال منها بتلاقي نفسك ماشي فى طريق عكس طريقك خالص بتطور ذاتك بتثقف نفسك بتدرس أكتر روحانياتك بتعلى بتنمى قدراتك بتتشافى من أثار الماضى هى علاقة ربنا حاطك فيها للتطوير منك

العلماء سموها علاقة اخر المطاف لان بعدها بيبقي صعب تدخل فى علاقات تانية

هل كل ده صدفه ؟!

يمكنكم منابعة دعاء الجبالى من خلال الحساب الشخصى لها على الفيس بوك 

https://www.facebook.com/profile.php?id=1604828531

 

عن remon

شاهد أيضاً

وستراداموس الجديد الهندي يتنبأ بحرب عالمية تنطلق غداً وموعد يوم القيامة

عدد المشاهدات 5371 26 كتب أشرف ماهر ضلع قبل ثلاثة أسابيع، قدم منجم فلكي يُلقب …