حوار صحفي مع الفنانه الشابه حماس محمد والصحفيه ياسمين يسري

أجرت الحوار ياسمــين يســري

في مقدمه الحوار حدثينا عن نفسك :-

ما اسمك ؟

انا اسمي

حماس محمد عبدالغني

كم عمرك ؟

عندي 22 سنه

ماهي ديانتك ؟

ديانتي : مسلمه

ماهي جنسيتك؟

جنسيتي : مصريه

ننتقل الى باقي الحوار مع المطربه الشابه

(حماس محمد)

كيف تتعاملي مع ضغوط العمل والمواعيد؟

بتعامل مع ضغوط العمل والمواعيد

بالترتيب انا انسانه بتحب الالتزام بالمواعيد وعشان كده دايما شغلي مبيبقاش فيه ضغط لان بحط لكل حاجه معاد والتزم بيه

الالتزام بالمواعيد بيخليني محسش بضغط لان مبضطرش اضيع معاد عشان التاني وهكذا

فانا بالنسبالي الالتزام بالمواعيد ده افضل حاجه ف ضغط الشغل والمواعيد

كيف تتأكدي ان عملك دقيق وواقعي ؟

بصراحه انا شخص متردد جدا يعني ممكن ابقي معايا شغل اقعد عيد فيه اكتر من عشرين مره عشان ميبقاش فيه اي خطأ ويعجب الناس

لان الناس دايما بتدقق ف كل حاجه وممكن استشير حد مثلا وده الافضل عشان يكون العمل اللي بقدمه ده جاهز أنه يطلع للناس بشكل كويس من غير أخطاء

هل من الممكن عليكي سرد ثلاث قصص حاليه غريبه حدثت اثناء عملك واثرت بكِ؟

ثلاث قصص أثروا فيا

الأولي : كنت لسه ف بداية المجال وكنت ف حفله وبغني للام جت ام من اللي حاضرين باست راسي وقالتلي انا بنتي توفت وشوفتها فيكيواتمنيت لو كنتي انتي بنتي اللي واقفه قدامي دي وقتها بوست أيدها وتواصلت معاها فتره طويله جدا وللاسف هيا توفت ودي اكتر حاجهاثرت فيا

الثانيه : موقف تاني أن ف اغنيتي الجديده فيها جزء عن الصاحبه اللي توفت وان مش قادره انساها ف لما نزلت جالي رسائل كتير منبنات كتيره جدا أن بسبب المقطع ده عدد كبير من البنات اللي كانوا متخانقين مع بعض رجعوا تاني لبعض عشان حسوا أن ممكن ف يوممن الايام واحده فيهم متبقاش موجوده وده فرحني أن قدرت اعمل حاجه كويسه

قدرت اقرب ناس الدنيا خدتهم وبفضل الله وبعد كلام الاغنيه بتاعتي رجعوا تاني وعشان كده مهما غنيت هتفضل مفضله عندي .

ماهي افضل الاساليب لديكي في عرض محتواكي؟

أفضل الأساليب ف عرض المحتوى بتاعي هي التقنيات

يعني مثلا بطلع بشكل كويس بقدم حاجه الناس طلبوها ف ببدع فيها عشان تعجب الناس

كنت ف الاول بقدم المحتوي بتاعي صوت بس مش بطلع صوت وصوره واكتشفت أن الأفضل أن اطلع للناس بشكلي ده هيشدهم اكترهيخليهم يحسوا المحتوي اكتر

ف انا شايفه أن أفضل أسلوب لعرض المحتوي الجوده التقنيه الطريقه ف الكلام أو ف الغنا عموما الناس بتحب الشخص الهادي الڤيديواللي مفيش فيه دوشه كتيره وان يكون المحتوي نفسه كويس يعني حاجه كويسه فن ابداع يعني مش اي حاجه والسلام

كيف تتعاملين مع الشخص الغير متعاون ؟

والله انا مبحبش الناس اللي مبتحبش تساعد غيرها أو مثلا متبقاش حابه تقول المعلومه دي للي قدامها ف يبقي احسن منها لاني مقتنعه أنمحدش بياخد رزق حد

بس انا بحاول مع الشخص ده لو ليا شغل معاه بتكلم معاه بقوله إن من الأفضل أن احنا نكون متعاونيين ده ف كتاب ربنا ايه بتقول ” وتعاونوا ع البر والتقوى ”

يعني لازم يكون ف بينا تعاون مش معني كده أن يبقي ف تعاون ف ألشر أو ف الحرام لا

الايه قالت ف البر والتقوى

ف انا هساعده يغير ده معرفتش خلاص مش هبعد عنه بس هتجنب الاحتكاك بيه ولكن لو احتاجني هكون اول الحاضرين

هل انتي على استعداد للسفر دائما ؟

انا على استعدا للسفر دائما

مش ف كل الاوقات بس انا ف الغالب مش عايزه ابطل سفر انا راحتي كلها ف السفر

مفيش حد يكره السفر اكيد انا بعشق حاجه اسمها سفر

كيف تتوقعين ان يصفك صديقتك المقربه ؟

انها بتقولي دايما انتي امي بحس فيكي بحنان وطيبه غير عاديه  هي دايما بتوصفني كدا

انا مابقولش كده ع نفسي والله هيا اللي بتقول بس انا عارفه أن دي حقيقه طبعا انا حنينه بغباء وده بيحبب فيا كل الناس مش بس المقربين

ما الذي تحبيه في نفسك ؟

الحاجه اللي بحبها ف نفسي

بحب صوتي اوي ومفضل بالنسبالي لو ف الشكل عموما أو ف الشخصيه انا بحب عيوني وبحب ف شخصيتي اني منضبطه جدا

كيف تبقين نفسك مرتبه؟

من الطبيعي بييجي وقت علينا كلنا يكون الشخص تايه مش قادر ياخد قرار

مش هقولك بعرف أخرج منها لوحدي

طبيعي بيبقي ف شخص مفضل بيعرف يخرجني من التشتت اللي انا فيه ده

ف انا مش ع طول مرتبه قادره اخد قرارات وقادره أواجه

لا بياجي وقت ببقي فعلا مش عارفه اصلا اختار انا هلبس اي ف الحفله دي

ف بالتالي من الطبيعي أن وقتها نخلي حد قريب يدخل عشان يساعدنا وبعد كده الفتره دي بتعدي وبرجع تاني مرتبه لمواعيدي المظبوطهقرارتي الحكيمه هيا بس بتبقي فترة ضغط ف مش ع طول يعني الحياه مش وتيره واحده لازم تبقي متقلبه

ما الامر الذي يشعرك بعدم الارتاح ؟

الشيي اللي بيخليني مش مرتاحه

الضغط من اكتر الحاجات اللي تخليني مش مرتاحه

ان حد يضغطني ف شغل أو دراسه أو ف علاقه انا مبحبش الضغط زي ماقولت قبل كده انا شخصيه منضبطه جدا وبحب كل حاجه تبقيماشيه بنظام غير كده بكون مش مرتاحه

ماهي توقعاتك لنفسك بعد خمس سنوات ؟

شايفه نفسي فين بعد 5 سنين

شايفه أن بعد خمس سنين هكون من أجمل الاصوات ف مصر والوطن عربي كله

واثقه أن هيكون ليا اسم ومكانه كبيره بين الناس

وهكسر الدنيا بإذن الله

ماهي البيئه المناسبه للعمل بالنسبه لكِ؟

البيئه المناسبه للعمل ليا

انا ف الطبيعي بحب الهدوء انا بحب اشتغل اي حاجه قدام البحر أو مثلا ف مكان خالي من البشر تماما لأن وقتها بشتغل كويس وبطلعحجات كويسه

مبحبش خالص شغلي ف الريف عموما دايما بحب اروح المدن عشان الجو أو البيئه اللي حواليا بتأثر ع الشغل أو ع النفسيه والنفسيه لازمتبقي كويسه عشان الشغل يطلع كويس

هل تعتبري نفسك قياديه ام تلميذه؟

والله انا بحسني الاتنين

قياديه لاني بقدر احط خطه واللي حواليا يمشوا عليها وتنجح وده حصل كتير

وتلميذه لما حد كبير بيقولي حاجه كويسه بعرف انفذها وكويس جدا

لان بطبيعتي بحب الشغل ف انا ف الاتنين كويسه

كم تتوقعي ان تعملي في هذا المجال ؟

بصراحه شايفه نفسي ف مكانه كبيره ومش حاسه انا متأكده أن هيكون ليا اسم كبير ف المجال ده انا حاليا شغاله ع الاغنيه التالته الليهتنزل ليا ف اتنين نزلوا والحمدلله اتسمعوا وعجبوا الناس واثقه أن الجاي اجمل ده لسه بس البدايه

ماهي خطتك للتطوير في المرحله القادمه ؟

انا بعافر عشان انجح

خطتي اني اعمل حاجه جديده مختلفه اسمع اكتر اشتغل ع صوتي اكتر والفتره الجايه هتثبت للكل مين حماس محمد ف المجال ده

ماهي السمات او الصفات التي تتمنى ان تمتلكيها ؟

بصراحه مش عارفه هو انا مش كامله اه ومحدش كامل

بس انا راضيه بجد باللي انا فيه أو اللي انا عليه دلوقتي كل اللي بتمناه مبحاولش اكون غيري

كفايه عندي حب الناس

هل تحبذي العمل بمفردك أم مع فريق عمل ؟

انا طول عمري بحب لما اجي اغني يبقي لوحدي

لان حاولت مره كان عندي مسابقه جماعي مش فردي ووقعوني لأن أصواتهم كانت مختلفه عني هما مكنوش وحشين بس كانوا مختلفينعني

ف انا بفضل اغني لوحدي لكن ف الشغل عموما ك فريق توزيع أو مزيكا معنديش مشكله لكن ف الغنا بحب اغني لوحدي

ما هو الانجاز الذي تفتخرين به ؟

*الانجاز اللي بفتخر بيه

اني قدرت افرح امي

قدرت ادخل التمريض اللي هيا كانت عيزاني ادخله واتخرج بمجموع امتياز

وقدرت كمان اكمل ف كلية الدراسات اللغه العربيه عشانها

وقدرت اخد مركز اول جمهوريه ف الانشاد وارفع رأسها

الانجاز الحقيقي هو ان خليت امي فخوره بيا وتبقي ماشيه ف كل مكان فرحانه أن انا بنتها

وفرحانه أن حاليا خلاص بقيت ف المجال وبقي ليا اسم

والجاي اجمل

اعظم انجازاتي أو انتصاراتي هيا وجود امي وفرحتها بيا

مَن هم قدوتك في الحياه في مجال الفن والموسيقي ؟

قدوتي ف مجال الفن والموسيقي

انا اه بغني بس مقدرش اقول ع الفنانين اللي بيغنوا قدوه

لما اجي اقتدي لازم يبقي بحد بعيدا عن الفن ده

ف انا لو ف المجال الديني انا بحب اسمع نصر الدين طوبار

وبحب اسمع محمد طارق

دول مفضلين عندي

بالنسبه للغناء بسمع لناس كتير وبحب منهم كتير زي اصاله وشرين ونداء شراره بحبهم جدا ونفسي اقابلهم

بس ف العموم  مش بقتدي بأي حد ف مجال الغناء.

 سررت بحوارك جدا ..

وبذلك نكون ختمنا حوارنا، واستمتعت كثيرًا مع محادثتكِ ، ودائمًا في تقدم إن شاء الله يافنانه