هي دي مصر يا سادة

حامد ابو المجد 

انتي عاملة فيهم إيه، قلبهم محروق عليه

كل مرة يعيبوا فيكي، مش انتي مصر ولا إيه ؟

انتي مش شخص وعدى، ولا لسه بنت النهاردة

انتي قصة كل جيل، لما الزمان يجي عليه

مهما قلت في محاسنك، ولا اوصف في مواقفك

واقفة وحدك في الليالي، سند وضهر املنا فيه

كاشفة لجميع الوجوه، ساكتة وشايلة الهموم

و لو هانك حنجوري او معتوه عمرك ما تردي عليه

مدركة لكل المشاهد، لا مجادلة ولا تناهد

عارفة حجمك لما تنوي، مصر امرت خلاص يا بيه

مش فلوس ولا كراسي، لا تاريخ وعقل راسي

هي الفلوس تحمي الشرف، ولا جيوش بتاكل بانيه

اية ذنبها وانت موالي عدوها ، حالبك وراكبك ، ذنبها!!

بص في مراية الزمان تعرف حقيقة مصر اية وانت اية

سالت ادريس لما كتب بالقلم، وفين كان عيسى لما اتظلم

وموسى لما سار باهله ، فين تجلى ربه عليه

مصر مش بلد زي البلاد، مصر امان العباد حتى الميعاد

ولما طوفان البلاء يعلى تلاقى جيش كل الجيوش تنده عليه

التهور مش بطولة، ولا مصر يوم قبضت فاتورة

وقبل اتهامها شوف تريليونك دفعته لشالوم ليه؟

هي دي مصر يا سادة، البطولة والرجولة جينات وعادة

ولما تسكت او تهادن، يد ماسكة سلاحها ويد بتربط البيادة