صدى – مصر من مصر لكل العالم
چني شحاته شخصيه حبيبه ف “انحراف” شقيه و لمضه شبهي و سعيده جدا ب العمل مع الفنانه روچينا
حوار / منه قدري
الطفلة جنى شحاتة التي خطفت أنظار الجمهور بموهبتها في مسلسل انحراف رمضان ٢٠٢٢ والتي تجسد فيه شخصية “حبيبة” ابنة الفنان أحمد صفوت
لنتعرف اكتر علي الفنانه چني شحاته من خلال حوار خاص ل صدي مصر
إليكم نص الحوار
•كيف تم اكتشافك في عالم الفن ؟
كنت بمثل من و أنا عندي اربع سنين كانت بدايتي في السن ده و كملت و طورت من نفسي الي ان وصلت الي دور چني في مسلسل انحراف
•مين الي رشحك ل دور حبيبه في مسلسل انحراف ؟
من خلال الكاستينج دايركتور “رشا سليم” و سمر محمود تم ترشيحي
•حدثيني عن شخصيه حبيبه و كيف تم التحضير لها و هل اثرت فيكي فيما بعد المسلسل ؟
مكنش عندنا وقت نحضر تم التصوير بشكل سريع جدا ولكن طبعا استاذ رؤوف ساعدني اني افهم الشخصية كويس وكان بيشجعني ديمآ
اه لحد دلوقتي ماثره فيا جدا طبعا شخصيه چني
•ماذا عن تجربتك مع المخرج رؤف عبد العزيز ؟
من احلى و امتع التجارب كان نفسي اوي اشتغل معاه و الحمدلله حصل
•ماذا عن تجربتك مع الفنانه روچينا ؟
أستاذه روچينا من قبل ما اشتغل معاها كنت بحبها جدا و بحب تمثيلها و دلوقتي حبيتها اكتر لأن هي جميله جدا و طيبه
•ماذا عن ردود افعال الجمهور علي دور حبيبه و اصدقاءك و الاقارب ؟
معظم الناس قالو عليا اني رخمه بس أنا مبسوطه بده عشان خليتهم يصدقو أن أنا كده
•مين الي ديمآ بيشجعك تكملي طريق الفن؟
مامتي و اخويا ديمآ مشجعين ليا و بيساعدوني علي التطوير من نفسي
•مين الفنان الي تتمني العمل معاه ؟
نفسي امثل مع استاذ عادل امام و أستاذه ميرڤت امين وأستاذ يحيى الفخراني وأستاذ احمد مكي و ممثلين كتير اوي
•كيف كانت كواليس المسلسل مع الفنانه روچينا والفنان احمد صفوت ؟
الكواليس عكس المسلسل لأن كلنا كنا بنضحك و نهزر كانت كواليس خفيفه ولطيفه
•هل شخصيه حبيبه قريبه من شخصيه چني الحقيقه ؟
في حاجات وحاجات يعني هي شقيه و لمضه و أنا كده بردو جدا لكن انا مش رخمه زي وجهه نظر الناس
•ما هي اعمالك الفنيه القادمه ؟
أن شاء الله في مفاجأة حاجة مختلفة خالص و اتمنى تعجبكم
•كيف يتم التوفيق بين الدراسه و العمل في مجال الفن ؟
مامتي ليها دور كبير اوي في ده لان هي بتساعدني اذاكر في البريك عشان في التصوير بنسهر فا مبيبقاش عندي وقت اروح المدرسة بس انا بعرف أفصل بين التمثيل و الدراسه
