شادي اسامه يكتب كفاية عك كفاية عك
شادي اسامه يكتب كفاية عك كفاية عك
بقلم شادي اسامه
في ان الواحد عمال يبذل طاقه ومجهود وايام وصحة ووقت ووتعب وحزن ومصلاحه ومراضيه
مع ناس مش مالي عينهم . كفايه عك عمال تدور في حاجات مش عاوزك انت ماشى وراها انت
عاوز ايه مش واخد بالك من مين العوزك ما كفايه عمال تجري ورا حاجات لا بتودى ولا بتجيب
كفايه علاقات مؤقته كفايه ناس عماله تاخد من ارواحنا وطاقتنا ومجهودنا الحياه اسهل من كده
بكتير اسهل من عمل حوارات وخطط ولف ودوران . الحياه حلوه عندما يتواجد الشخص الذى يريد
مثل ماانت تريده مينفعش يبقي الموضوع من طرف واحد مينفعش يبقي طرف هو اللي بيدى
اهتمام وحب ووقت وحنيه وفي الاخر الطرف الثاني مش موجود اساسا او وجوده لتقضيه
واجب عارفين الجواز مفيش احسن منه والوضوح والصراحه مفيش احسن منها والشخص
اللي يبقي شاريك وعاوزك في حلال ربنا يبقي مفيش احسن منه للاسف دلوقتي بقيت احس
ان الناس مش عاوزة الحلال عاوزين علاقات عابره وتنطيط يصحبوا بعض ويتنططه ويقضوا
يومين وخلاص شكرا علي كده ده غلط ده حرام الجواز بيبوظ في الوقت الحالي بسبب العلاقات
والصحبيه وانتهاك حرمات الله مفهوم الجواز اللي ربنا حطه لينا لو سعيت للجواز والطرف التاني
سعي ليه وانتم الاتنين بقيتوا مع بعض تكملوا مشروع الجواز هينجح لكن علي نيتكم ترزقون
دور علي الناس اللي شبهك الناس اللي تحبكم اللي تخلص ليكم اللي شارياكم مش الناس
اللي تبيع فيكم مهما حصل الحلوين كتير وعلي قفا من يشيل بس مين عاوزك مين هتبيع الدنيا
كلها وهتخدك قابلك بكل عيوبك عندها استعداد تضحي عمرها كله علشانك اختار صح اختار
اللي تحبك وتبقا شاريك بنت الاصول اختار اللي متمشيش معاك في الحرام اختار اللي سكتها
حلال وتربيتها حلال وبيتها معودها علي الحلال اختار اللي متخونش تربيت اهلها معاك اختار
اللي تعرف تشيل مسؤاليتك وعيالك اختار اللي انت تسافر وترجع زي ماهى بتصونك اختار
زوجه صالحه صح انتشرت انواع المعاصى خليك انت كويس وابعد عن الحرام والمغريات علشان
ربنا يكرمك ببنت الحلال وانتي اختارى راجل ميهنش عليه زعلك ميهنش عليه دموعك او حزنك
او ايامك الانتي هتقضيه معاه او العشره بينكم راجل حتي في خصامه مقدرك وباقي عليكي
او راجل نيته في الحلال مش يصحبك اللي عاوز يصحبك بيتسلي مش راجل اللي شاريكي
ومتضيعش الفرصه من ايدكي لمه تلاقي حد بيحبك وشاريكي وعاوزك في حلال ربنا الفرصه
مش بتكرر كتير ادي فرصه لعوض ربنا خلها تمشي مش احسن من اللي سابك وباعك في نصف
الطريق صوابعك مش زي بعضها متقفلوش علي قلوبكم ادو فرصه للعوض ان يجي خلي نيتكم
الحلال والجواز .
