استراتيجية التعليم القادمة

كتب : اسامة عبدالخالق

توقعات لتغير انظمة التعليم فى مصر من مناهج وخطط دراسية

وتقوم صدى مصر بنقل ما فى عقول قيادات التعليم بمصر حتى يتم

تطوير نظام التعليم العقيم الحالى فى مصر

2024 : تغيير منهج الصف الأول الإعدادي

2025 : تغيير منهج الصف الثاني الإعدادي

2026 : تغيير منهج الصف الثالث الإعدادي

2027 : تغيير نظام الثانوية العامة

وإلغاء النظام الحالي

وتحويله إلى نظام المسارات

يعني دفعة الصف السادس للعام الحالي

هي اللي هيبدأ معاها تطبيق النظام ده

ما هو نظام المسارات!!

باختصار شديد :

مش هيكون فيه لا علمي ولا أدبي ولا تشعيب أصلاً

الطالب لما يوصل الثانوية العامة

هيلاقي حاجة إسمها مسارات تعليمية

وكل مسار فيه مجموعة مواد

وكل مسار هايوصلك لمجموعة كليات معينة

عايز كليات علمية هتاخد المسار ده

عايز كليات نظرية هتاخد المسار ده

عايز كليات كذا هتاخد المسار ده

وهكذا .

ولو في جيت في نص الطريق

ولقيت نفسك اخترت مسار غلط

انت مش حابب تكمل فيه

هتغيره عادي وتختار مسار تاني

بالنسبة بقى لامتحانات الثانوية العامة :

هتكون من أكتر من محاولة

مش هتكون فيه إمتحانات من فرصة واحدة

ولا مستقبل الطالب هيتحدد

من إمتحان مدته ساعتين تلاتة زي دى الوقت

هتكون فيه عدة محاولات امتحانية.

نجحت دور أول وعايز تحسن مجموعك

هتقدر تحسن بعدها بأسابيع في امتحانات جديدة.

والمجموع اللي هتجيبه بعد التحسين

هو اللي هتدخل بيه الكلية.

= الكلام ده مش هيطبق قبل 3 سنين

يعني هيكون أول تطبيق على الطلبة اللي بتدرس في نظام

التعليم الجديد اللي هم في الصف السادس والخامس والصفوف اللي تحتهم.

أما اللي بيدرس حاليا في أولى وتانية وتالتة إعدادي

هيكملوا في نظام الثانوية الحالي (القديم يعني)

= ومن هنا لحد ما تتعمل ثانوية عامة جديدة مفيش أي تغيير في

الثانوية العامة الحالية: التشعيب مستمر والتحسين مش هيطبق والامتحانات كما هي

والمناهج كما هي .