رفقا بهم

كتبت أماني حسن

الحزن اللي مش مفهوم واللي بيخنقنا كثير من الوقت ده بيكون عباره عن دفعات متأخره من مواقف قديمه اتوجعنا فيها بس قدرنا نتماسك ويبدو علينا عدم الأهتمام واللي كان مفروض نعمله وقتها أننا نعيط مثلا أو نعبر عن اللي جوانا من الوجع بأي طريقه

الناس اللي شخصيتها حساسه ، الناس اللي بتعاني من التقلبات المزاجية لا هي مريضه ولا بيدوروا على مشاكل والله

الناس دي حساسه جدااااا بتفرح لاي حد بسرعه ، وفي نفس الساعه بتحزن لحد القهر لو بس سمعت خبر سئ عن حد،

الشخصية الحساسة هي أكتر شخصية بتدي الحب بدون مقابل ،،

و أكتر شخصية ممكن تكره الحب ده لو كان سبب في أضعافها مبتريحش نفسها …

لانها ببساطة بتزعل و تفضل تكتم جواها لحد ما تقرر انها متتعاملش مع حد أو لما تفكر تتعامل تقسي أوي علي اللي قدمها

و ترجع تندم علي اللي بتعمله لان ده مش من طبعها

الناس دي بتحس مليون إحساس عكس بعض كل يوم..جواها صراع مبيخلصش … وفكر ما بيقف

فرفقا بهم

متحبوش وجعكم ومتسبوش تراكمات من الوجع جواكم خرجوا اللي جواكم أول بأول أحذروا التراكمات

أجبروا الخواطر ، وراعوا المشاعر ، وأنتقوا كلماتكم ، وتلطفوا بأفعالكم ، وتذكروا العشرة ، ولا تؤلموا أحداً ، وقولوا للناس حسناً ، وعيشوا أنقياء أصفياء ؛ فهذا نهج الأنبياء ، وأخلاق النبلاء.”