مصرع شاب على يد مجهول ب20 طعنه

كتبت علياء الهواري

حدث فى محافظة الغربية فى إحدى القرى التابعه لمدينه المحله الكبرى مقتل شاب يبلغ من العمر 30 عام متزوج من 3 سنوات ولديه طفله سنتين ونصف .

يعمل سائق توك توك قُتل على يد احد الركاب
وفى حوار مع اهالى المجني عليه نقلا عن موقع بصراحة الإخباري

قالت الام انه لقى ابنها مصرعه على يد احد الاشخاص من إحدى القرى التابعه لمدينه المحله وقام بطعنه 20 طعنه بعد ما قام بالركوب معه على أنه زبون وسدد له 20 طعنه وقتله بطريقه بشعه جدا وتذكر الام انه لا يوجد سبب وراء ذلك!

وتناشد المسؤولين لمعرفه السبب وتوجه رساله للرئيس عبد الفتاح السيسي ان يقوم بالقصاص ومعرفه سبب مصرع ابنها وان ذلك انتشر فى مصر الفتره الاخيره .

كما اوضحت ان الجاني كان يسكن فى نفس القريه ومن ثم انتقل للعريش ومن فتره جاء وسأل عن ابنها وابنها لم يعرفه وسأل البلد كلها عن ابنها.

وأضاف والد محمود انهم فى حاله صدمه كبيرة وقال انهم كانوا فى المنزل وجائهم الخبر على اساس ان محمود اصطدم بتوك توك او موتوسيكل وماجاش فى دماغنا ان حد ضربه ولما عرفنا جرينا

اول ما وصلنا صدمنا من المنظر ومن التفاف الناس . انا كان ليا جراج العربية بتاعتي جنب الحادثة روحت اطلع العربية قالولى ياعم عيد إلحق ابنك ( انا اسمي عبد الجواد سلامه عبدالجواد الحداد ) وشهرتي عيد الحداد انا راجل سواق

فطلعنا بالعربيه لقيت الناس بتتجمهر حوالينا وبتقول الحق ابنك انا حصل معايا شئ غريب انا رايح على ان ابني مصاب فى حادثه عادية ولكن ببص لقيت الناس بتتجمهر روحت مدور عربيتي وروحت طالع على النيابه وهناك ماي بتقول انه كان بيدور عليه من تلات او اربع ايام وانا الكلام دة عرفته يوم الحادث.

والدته كانت تعرف انه بيدور عليه ، فلما والدته قالت له احنا نقول لأبوك قال لها لأ بلاش ابويا علشان ابويا تعبان واحنا مش عاوزين نحمله أكتر من طاقته.
– والدته قالت ان فيه شخص بيسأل ويدور عليه
احنأ مانعرفش ليه بيدور عليه ، إحنا طبعا بعد الواقعة جت لنا ناس وقالوا لنا إن الراجل ده بيدور عليه بقاله تلات اربع ايام، من ضمنهم واحدة على ناصية الشارع بتاعى ، الست دى قاعدة ست كبيرة فبيقول لها عاوز بيت ابراهيم الحداد ، قالت له هنا مافيش ابراهيم الحداد فيه عيد الحداد ومحمد الحداد وكريم الحداد ، قال لها أنا عايز اللى عنده توكتوك ، اللى عنده توكتوك اسمه محمود ، ومحمود متجوز وساكن وقاعد عند الترب ، يعنى طبعا احنا منفصلين.
لأ هو عايش لوحده ، فهو طلع من عند الحاجة دى اللي سألها عليه وطلع على والدته .
سأل عليه واترصد له وعرف هو بيروح فين ، وانتظره وهو سايق التوكتوك وركب معاه اكنه زبون ، وأضاف والده أنا لما دخلت علي ابنى الانعاش ، قصدى المشرحة ، أنا حصل عندى شيئ من الذهول والهيستريا ، لأن دخلت لقيت ابنى كل هدومه دم ، ووشه كله دم ، فطلعت ، فدخل خاله المشرحة ، طبعا لقي ابنى مخبوط أربع خبطات ، في صدره وخبطة في الضهر من ورا وسكينتين اتنين مختلفين داخلين رقبته ، وغير ان فيه واحدة في دراعه ، وايده تحسي إنه مسك السكينة وحاول يمسك السكينة من إيده فمات عليها فراح شادد السكينة راح قاطع له ديا من هنا لهنا فراحت منفصلة دي عن دي (إصابات قطعية في الكف) بسكينتين .
– يعنى طعنه حوالى 20 طعنة متفرقة في الجسم .

– تم قتله في المكان اللي هو علي طول مقرر يمشى فيه ، المكان اللى اتقتل فيه ابنى بيطلع يمشى فيه 6.30 الصبح علشان يروح يجيب التوكتوك .
– وقتله حوالى الساعة كام
– حوالى 9.30 الصبح

– سكته معروفة ، أصله مابيشتغلش بالتوكتوك ، هو يودى والدته ويودى الحضانة ، جماعة عندنا بيودى عيالهم الحضانة ، وبعد كده يرجع ياخد ابن اخته يوديه الحضانة برضه لوحده .
– فاليوم ده ، بعد ما ودى العيال التانية ، اخته بتتصل بيه علشان ان هو ييجي ياخد الولد ، قال لها قدامى خمسة كده ، معايا مصلحة هاحدفها واجى ، شوية وراح لها الخبر زى ماراح لنا الخبر .

ولكن السبب مانعرفش ، محمود ابنى ملاك من السما ، ماكانش عيل زي العيال ، ولا مشاغب ، ربنا كان باعت لى ملاك من السما
عمره ما قال لى لأ في حاجة ولا عمره زعلنى ولا عمره أخر لي طلب ، كان شاب مطيع ، القطة تاكل عشاه ، عمره ما طلب حاجة ولا عمره قال أى حاجة .
ولا كان مشاكل معاه ولا مع غيره ولا أى حاجة ، إحنا اتفاجئنا واتصدمنا صدمة العمر كله ، ليه وعشان ايه مانعرفش .

وأضاف قائلا: فيه اجراءات بيتم فيها اثباتها او نفيها من خلال عرضه علي الطب النفسي ، فمش هنقرر غير بالطب النفسي
– هو المريض النفسي هيقابل اى حد هيخبطه ، إنما انت بتتحرى عنى ، لما جيت تنفذ الجريمة بتاعتك الناس اللى حضرت بتقول انه كان لافف نفسه بالكراريس ولافف عليها لزق كده ، يعنى انت رايح مستعد وعارف انت بتعمل ايه ، عارف بتنفذ ايه وهتعمل ايه ، مظبوط ولا مش مظبوط ، فين التخلف اللى هنا ، ناس بيقولوا لى ماتخدش عزا ، لأ باخد عزا ، ثقة في القضاء المصري والسيد الرئيس والناس اللى هي أمينة عالدولة ، إنما القضاء يجيب لى حقى علي دماغى من فوق وعلى راسى .

اتغدر بيه ، ابني اتغدر بيه ، جيت أقول له واحد بيسأل عليك قال لي سيبيها على الله ، مافيش أى حاجة ، مافيش أى مشاكل ولا عمره عمل لى مشاكل مع أى حد ، عيالى ملايكة من عند ربنا ….
– يافندم دي عيال متربية بالحلال
– إن شاء الله حقه ييجي ، ربنا يصبركم رب العالمين .

كما اوضح المستشار خالد عبد الرحمن الرحيم ، إحنا مش عاوزين نعيد الكلام وكل قضية وكل جريمة قتل ، نفضل نعيد الكلام مرة واتنين وتلاتة .
– مين الشاب اللي أنهى حياة محمود بالطريقة دي ، هل فيه خلافات قديمة ، هل فيه أسباب مش مفهومة ، هل فيه أسرار ومفاجآت التحقيقات هتظهرها …………
– ……………. عمرهم ما لهم مخالفة في مركز المحلة ، عمرهم ما شدوا مع حد ، مالهومش واقعة ضرب واحدة ، خصوصا محمود المجنى عليه الله يرحمه ، شاب بيجرى علي والدته ، بيشتغل شغلانتين ، مابيقولش لأ ، مابيقولش لأى حد لأ ، بيرضي بقليله ، عايش باللقمة الحلال ، علشان ندور على سبب لجريمة زي كده ، طبعا كل جريمة وليها سبب وليها باعث بتاعها، طبعا التحقيقات اللى بتجريها النيابة العامة وإدارة البحث ، وانا عارف إن إدارة البحث في طنطا هي القائمة على هذا المر مش مركز المحلة بس ، إن شاء الله هيجدوا السبب ، اللى عاوز أقوله وبانبه عليه ، الأخطاء اللى بنقع فيها في جميع القضايا ، ماينفعش نقع فيها فى القضية دي بالذات، ليه، طبعا زي ما والده بيقول المحامى بتاعه بيتكلم مع النيابة إنه مريض نفسي ، المريض النفسي ودى شماعة دفاع المتهمين بيقولوها في كل القضايا .
فالقضاء قضاء عادل والتقرير هو اللى يثبت صحة أو عدم إن هو مريض نفسي .
–
– التقرير اللى بيتعرض على لجنة ثلاثية ….
تطويل أمد النزاع فى جريام الدم والقتل بيخلي كل يوم والتانى جريمة ، الكلام ده إحنا بنكرره وماحدش بيسمع الكلام ، الكلام ده إحنا قلناه مليون مرة وكل يوم جريمة مختلفة ، مش جريمة عادية ، جرائم بشعة ، ماعادتش خبطة ، ماعادتش مشاجرة وواحد راح فيها ، يعنى جريمة قتل محمود ، محمود سايق التوكتوك والتانى ركب وراه ، خبط محمود من ضهره ودى عادت موضة ، بعد ما خبط الولد خبطتين في ضهره ، راح شده من التوكتوك وقع عالارض وفضل يقطع فيه 15 طعنة .

– دى حتة مهجورة … مخطط من يوم السبت اللى فات لغاية الاربع ، فضل يراقب محمود وعارف خطواته والصبح بيعمل ايه لغاية مايرجع بيته ، ده مريض نفسي ؟! ده مريض نفسي يخطط لجريمته ، مريض نفسي يحط كتب حوالين بطنه علشان مايجيش خبطة بالغلط أو حتى محمود لو حاول يدافع عن نفسه بأى شيئ كان مايتخبطش خبطة غلط .
– يعنى كان مأمن نفسه جدا وكتب حوالين بطنه .
– عارف هو بيعمل ايه
– طيب يا افندم هل كده الأسباب مبهمة في القضية دي ،
– عاوز اقول لك حاجة تانية، جريام القتل مالهاش دعوة بالباعث ، الباعث ليس مانعا للعقاب ، هو عقوبته الإعدام ، بس إحنا وأهليته وأهلية البلد كلها عاوزين يعرفوا مين اللى ورا القاتل ، مش القاتل نفسه .

توليت بإذن الله رجوع حق محمود الحداد ،

ختاما اهل محمود يستنجدوا بالدوله متمنين رجوع حق محمود والقصاص