الصمت العقابى

بقلم / هاميس جمال

حيله خبيثة بتتعامل بيها و انت غير مدرك .
وهى عدم
الدخول معاك ف أى حوار نهائى .

و السبب هو الضغط عليك علشان تنفذ رغبة الطرف الآخر مهما كان طلبه .

و غالباً بيكون الشخص دة نرجسى و عرف يوقعك ف شباكة .

مجرد اختلاف بسيط ف أى وجة نظر هتتعاقب بالصمت النهائى ( اللى هو جو قلب الترابيزة ) و أنت واقف ف حاله زهول هو أنا عملت أية لكل دة !!

و دة نوع من أنواع الضغط عليك و تصرف مقصود علشان انت تدخل ف دائرة جلد الذات و الإحساس بالذنب ، ف تجرى و تعتذر و تنفذ الطلب اللى كنت رافضة ف البداية .

اسبابه اية بقي ….
أولاً .. الهروب من المواجهه و قت المشكله ف بتتعامل بالصمت علشان أنت ترضخ و تقول عُلم و ينفذ .

ثانياً .. اسلوب ضغط عليك لأنك صح و مش غلطان و مفيش ف أيد الطرف التانى حُجة ( بضم الحاء ) .

علشان يثبت إن كلامة صح .

ثالثاً .. يحسسك إنك مقصر ف حقة ولابد من التودد لية . ( لأنه عرف يوصلك إنك الغلطان و هو الضحية ) .

أما بقى بالنسبة للمدة ..
ف دى بتكون ف أيد الطرف التانى !!!
اللى هو يا تعتذر و تنفذ طلبى … أو هتفضل كدة مركون ع الرف و المدة المحددة ف ايدة هو ( طالت أو قصرت ) فهو المتحكم الوحيد .

ندخل على العلاج ..
١- خليك هادى جداً قدام فاعل الصمت العقابى معاك و حذارى الغضب مهما كان ،

لانه هيحاول يستفزك بكل الطرق علشان يأكد ليك و لنفسة إنك الغلطان و لازم كمان تعتذر .

٢- التجاهل ثم التجاهل للصمت العقابى ، م الآخر كدة بتوصله إنك ( لا شايف ولا سامع ) .

٣- عبر عن استيائك للتصرف بكل هدوء ( عتاب المحبة ) .

٤- حاول تجمع حلول ترضى جميع الأطراف .

و أخيراً
الصمت العقابى مجهد نفسياً ، لأنك طول الوقت هتسأل نفسك هو أنا غلطت ف اية أو عملت اية أستحق علية العقاب دة كله .

عبر عن نفسك و سيب اللى يزعل منك يزعل طالما أنت صح و مش غلطان .

اتحكم ف دفة حياتك و متسلمش زمانك لغيرك .
دمتم في ملئ القوة النفسية.