عمر بدر احلي حاجه في مسلسل ديمآ عامر الكواليس مع مصطفي شعبان
عمر بدر احلي حاجه في مسلسل ديمآ عامر الكواليس مع مصطفي شعبان
حوار / منه قدري
عمر شريف بدر ابن محافظه طنطا شاب في اول مشوار النجوميه يقيم ب محافظه القاهره
و يدرس في معهد الفنون المسرحيه احب و هوي الفن منذ الصغر من سن ٨ سنوات
و شارك في اكتر من ٥٧ مسرحيه شارك في مسلسل طاقه نور بطوله النجم “هاني سلامه”
ايضآ شارك في مسلسل ولد الغلابه بطوله الفنان القدير “احمد السقا”
اما عن الدراسه ف من تجاره انجليزي ل قوات جويه ل معهد فنون مسرحيه سعيآ
وراء حلمه وموهبته ظهر عمر شريف بدر في دور طارق سيسكو في مسلسل
(دايمآ عامر) رمضان ٢٠٢٢ بطوله الفنان مصطفي شعبان و الفنانه القديره لبلبه
و الفنان القدير صلاح عبد الله تدور احداث المسلسل داخل مدرسه ل طلاب
و تناقش مشاكل الطلاب ب طرق حديثه
لنتعرف اكتر عن دور “طارق سيسكو” و عن شخصيه الفنان الصاعد عمر شريف بدر
من خلال هذا الحوار ل جريده صدي مصر
إليكم نص الحوار
* مين الي رشحك ل مسلسل ديما عامر رمضان ٢٠٢٢؟
الي رشحني ل مسلسل ديمآ عامر ” أ / بسام عبدالله” هوا كاستنج و مخرج وممثل وصديق ليا وإخ كبير
حضرت اوديشن و استاذ مجدي الهواري مخرج العمل شاف الأوديشن واختارني من وسط سبع شباب داخل الاوديشن و استاذ مجدي سبق لينا التعامل من قبل ولكن كمنتج في المسرح والفضل كلو يرجع ل استاذ “مجدي الهواري” في ان الدور يطلع بالشكل ده هو شافني في دور طارق
* ماذا عن كواليس تجربتك مع الفنان مصطفي شعبان ؟
احلي حاجه في مسلسل ديمآ عامر كلو كانت الكواليس تحفه جدا في خلال تصوير المسلسل كان الفنان “مصطفي شعبان” مشجع لينا بطريقه رهيبه و الموضوع اتقلب ل صداقه و ده شرف ليا طبعا ان فنان بقدر مصطفي شعبان يكون واخدني صديق انا وباقي اصدقائي و ده ساعدني علي الارتياح في الشغل و كنت بقول مصطفي شعبان الي كنت بشوفو في التلفزيون فجأه اعد جمبي وبنذاكر المشهد سوا ف اعتقد الكواليس كانت احلي وامتع حاجه في المسلسل
* كيف كانت التجربه مع فنانه عظيمه ب قدر لبلبه ؟
تجربتي مع العظيمه لبلبه بصراحه انا لحد ١٧ رمضان مكنش موجود تعامل بينا و مجمعنيش بيها ولا يوم تصوير ومكنش ليا معاها مشاهد لسه و علشان اكون صريح انا خجول جدا كان عندي احراج اروح اسلم مثلا عليها ومكنتش مصدق ان ب شارك في مسلسل مع حد بتاريخ الفنانه لبلبه و استاذ صلاح عبدلله
ولكن يوم ١٨ رمضان كان في سحور ل اسره المسلسل و كان طبعا نزل حلقات من شغلي و بصراحه انا اتفجأت من الكلام الجميل الي اتقالي منها و كنت مبسوط جدا بيه هيا حقيقي انسانه جميله وفنانه قديره و مش انا الي هحكي عنها دي تاريخ و الكل بيتعلم منها سواء فنان او فنانه وشرف ليا وجودي معاها في عمل واحد و حقيقه استاذه لبلبه كانت اضافه جميله للعمل ده
* كيف كانت تجربتك مع المخرج القدير مجدي الهواري ؟
مش اول تعاون ليا مع استاذ “مجدي الهواري” انا اتعاملت مع استاذ مجدي كمنتج في مسرحيه دكتور “يحي الفخراني” و المخرج أ / تامر كرم و كان دوري صغير في المسرحية وكنت في البدايه لسه و قدراتي في التمثيل مش باينه اوي نظرآ ل ضغر الدور و وجود اكتر من فنان كبير في المسرحيه
لكن استاذ مجدي اما شافني في الاوديشن شاف فيا شخصيه طارق و عجبني جدا دور طارق
انا كنت رايح امضي دور تاني غير طارق خالص ولكن استاذ مجدي حببني في الدور و شدني ل الدور جدا
استاذ مجدي تاريخ في السينما و الدراما و شرف ليا اني اطلع علي ايدو استاذ مجدي طلع علي ايدو اجيال كتير من النجوم الشباب
و كان مشجع جدا لينا و سلس في التعامل و قريب مننا و بيسيبنا نشتغل براحتنا مش بيضغط حد
سعيد جدا بالتجربه دي و ان اول تجربه ليا تكون مع استاذ مجدي الهواري
* هل شخصيه طارق قريبه من شخصيه عمر شريف الحقيقه ؟
شخصيه طارق بعيده كل البعد عني ملهاش علاقه ب شخصيه عمر شريف بدر نهائي
لأن انا عمري ما كنت بسقط في دراسه ولا مشاغب في مدرسه ولا كنت شرير ولا كنت هكر و مأذي الحمدلله
هوا طارق كانت تركيبه غريبه وصعبه وكنت خايف منها بس الحمدلله عرفت اوصلها للناس ب شكل كويس واثرت في الجمهور
•حديثني عن تحضيراتك لدور طارق و الشخصيه الغريبه و التركيبه المختلفه ؟
عملت مثلا اكتر من عشر بروفات مع استاذ مجدي الهواري قبل التصوير
حضرت لدور ب اني اتقربت لحد من اصدقائي هوا نسخه من طارق ولكن مش بيأذي بصراحه ومش شرير زي طارق دي كانت اضافه مني ومن استاذ مجدي الهواري
صديقي عايش بعيد عن اهلو وعايش نفس عيشت طارق اهلو بيعيد عنو و كان بدون علمه اني بدرس شخصيته كنت بقرب منو اعرفه اكتر و كان مبسوط فيما بعد شاف المسلسل وعرف اني كنت بدرس شخصيته و قالي اني مبسوط بيا واني جسدت الشخصيه صح الحمدلله
* مين الفنان الي تتمني العمل معاه ؟
نفسي اشتغل مع استاذ “اسر ياسين” وفي ناس بتشبهني ب اسر ياسين كتير و بحب الرسايل الي بيقدمها في اعماله
نفسي اشتغل مع الفنان فتحي عبد الوهاب جدا و طارق لطفي جدا و استاذ خالد الصاوي
و نجمات نفسي اشتغل مع الفنانه “منه شلبي” و الفنانه الجميله “مني ذكي”
* ماذا عن رد فعل الجمهور علي شخصيه طارق؟
الجمهور كرهني للأسف
الناس في الشارع بنتقابل تشتمني و في ناس بتتصور معايا وبعدها تشتمني و انا مبسوط اني عملت الدور صح كده و اتصدق جدا ب الشكل ده و انشاءالله الي جي يكون تجسيد شخصيه مختلفه تغير نظرت الجمهور ليا تكون شخصيه قريبه من شخصيه عمر شريف بدر
* مين الي بيشجعك ديمآ علي مشوارك الفني ؟
اهلي طبعا و اعتقد كل الأهالي تتمني وجود ابنهم في حاجه زي تجاره انجليزي او في القوات الجويه لكن اهلي شجعوني جدا ان ادخل معهد فنون مسرحيه رغم مجموعي العالي في ثانوي عام و شجعوني علي موهبتي و كل الشكر ليهم علي تشجعهم المستمر
* ماذا عن خططلك المستقبليه القادمه و ماهي اخر اعمالك الفنيه القادمه ؟
بجهز ل ديو دراما مسريحه ل اتنين ممثلين بطولتي انا و فنان صديق ليا موهوب جدا الفنان “خالد فتحي”
ايضا معروض عليا ورق ل اعمال فنيه كتير ولكن محتاج اختار صح واختار دور مختلف ومؤثر
